సృష్టి మొదలయిన దగ్గర్నుండి మనిషి ఆలోచన మారుతూనే వుంది. ఆధునికత పెరుగుతున్న కొద్దీ మనిషి ఆలోచన మారుతూనే వుంది. పద్దతులు మారుతున్నాయి. కానీ కొన్ని తరాల నుండి మారనిది, పిల్లలకు నేర్పించడంలో మరిచిపోలేనిది, ఎవ్వరూ విస్మరించని పేరు.. యోగి వేమన. అందుకే.. కాలం మారినా వేమన పేరు మరిచిపోలేదు. తెలుగువాడి గడపగడప కూ వేమన సుపరిచితం. తెలుగు నుడికారంలోనే ఇమిడిపోయిన పేరు యోగి వేమన. ఆయన చరిత్ర అపూర్వం. చీకటిలో వెలుగు పూయించడం కాస్త కష్టపడితే సాధ్యమే. కానీ అదే వెలుగు ప్రపంచానికి మొత్తం ప్రసరించాలంటే ఎంత మధనం కావాలి? ఎన్ని పోరాటాలు చేయాలి? ఎన్ని మార్పులు రావాలి? .. అదిగో అన్ని పోరాటలు, అన్ని మార్పులు ఒక మనిషిలో జరిగాయి. అతన్ని తత్వవేత్తగా మార్చాయి. ఆ తత్వవేత్త చూసిన భవిష్యత్ ఆ తత్వవేత్త ఆలోచించి పలికిన పలుకులు, ఇప్పటికీ ఎప్పటికీ నిజాలే. ఒక యువరాజులా ఉండాల్సిన యువకుడిలో సముద్రం అంత మథనం. కనుసన్నలలో రాజ్యంలో పనులు చక్కబెట్టే యువకుడిలో అంతర్మథనం ప్రపంచానికి మేలుకొలుపైంది. చినవేమారెడ్డి అనే యువకుడు, రాజభవనపు సౌఖ్యాన్ని వదిలి ఆత్మజ్ఞానం కోసం నడిచిన విధానం. వదిన నరసాంబ ..తల్లి ప్రేమతో మార్గం చూపిన ఆత్మజ్యోతి. వేశ్య విశ్వద.. పాపం కంటే పశ్చాత్తాపం గొప్పదని నేర్పిన అద్దం.అభిరామయ్య బ్రాహ్మణుడు.. జ్ఞానద్వారం తెరిచిన మంత్రోపదేశకుడు. అతని జీవితమంతా ఒక సత్యాన్వేషణ. మానవుడి లోపాల్ని చూసి, వాటిని సరిచేసే ప్రయత్నం చేశాడు. అతని పద్యం, అతని గళం, అతని జ్ఞానం, సమాజాన్ని కదిలించాయి.తనకు లభించిన జ్ఞానం అతని కోసం కాదు. అది ప్రజల కోసం. తన పశ్చాత్తాపం తత్వంగా మారింది, తన జీవితం “వేమన పద్యం"గా నిలిచింది. ఈ కథ, తెలుగు నేర్చుకున్న సి.పి.బ్రౌన్ గారికి వేమన పద్యాల మహత్యం తెలిసింది. ఆయనే పూనుకుని వేమన పద్యాలను సేకరించాడంటే, ఆ పద్యాలలో ఎంత మహిత్తు ఉందో అర్ధమవుతుంది. ఒక మనిషి అజ్ఞానం నుండి ఆత్మజ్ఞానం వైపు నడిచిన పయనం. ఇది కేవలం యోగి వేమన చరిత్ర కాదు, ప్రతి మానవుడు లోపల జరిగే యుద్ధానికి ప్రతిరూపం. ఇది మన అంతరాత్మలో వెలిగే జ్ఞానజ్యోతి కథ. ప్రపంచ వ్యాప్తంగా తత్వవేత్త అంటే సోక్రటీస్ పేరు వినిపిస్తుంది. కానీ తెలుగువాడి చరిత్ర నేల నాలుగుచెరుగులా పెరిగిన ఈ తరుణంలో సోక్రటీస్ కంటే ముందు వినిపించే పేరు యోగి వేమన. ఆయన అంతలా తత్వవేత్తలా మారడానికి కారణాలే, ఇప్పుడు మనం రూపొందించబోయే మినీ మూవీ కథ.. యోగి వేమన.